|
Instituto Nacional de las Artes Escénicas y de la Música (INAEM) Kultura eta Kirol Ministerioa mendeko erakunde autonomoa da. Besteak beste, musika, lirika, koreografia, antzerkia eta zirko ikuskizunak sustatzea eta hedatzea du helburu.
Dantzaren inguruan egiten dituen lanen artean daude, diru laguntzak ematea konpainiei eta elkarteei, jaialdiak, lehiaketak, argitalpenak eta dantzaren sormen eta interpretazioaren sari nazionalak ematea. Horrez gain, koreografiaren sorkuntzarako bi zentro ditu INAEMek: Espainiako Balet Nazionala eta Dantza Konpainia Nazionala. Maiz eskaintzen ditu dantza ikuskizunak Teatro de la Zarzuela antzokian. Antzoki hori da, hain zuzen, INAEMek ikuskizunak sortzeko eta erakusteko erabiltzen duen beste unitateetako bat. Teatro Real, Gran Teatre del Liceu eta Teatro de la Maestranza antzokietako patronatuetako kide da INAEM.
Azken hamarkadetan, mundu osoan arrastoa uzten ari den koreografoen eta dantzarien belaunaldi miresgarria eman dio Espainiak dantzari. INAEMen iritziz, dantzaren atari bat izatea egokia litzateke lan bikain horiek are gehiago ezagutarazteko. Atariak balioko luke, halaber, gure profesionalek eta gure publikoak elkar ezagutu dezaten eta komunika daitezen. Helburu horrekin sortu da Danza.es.
Danza.esen lanerako baliagarri izango duten informazio guztia aurkituko dute profesionalek. Beste profesional batzuekin harremanetan jartzeko, lana aurkitzeko edo proiektuetan parte hartzeko aukera ere eskainiko die guneak. Dantzazaleek dantzaren mundu liluragarriaren egungo egoera eta errealitatea ezagutu ahal izango dituzte.
Guneari itxura erakargarria eta erabilerraza ematen saiatu gara, atal bakoitzera arin eta erraz sartu ahal izateko. Ezinbestekoa iruditzen zaigu erabiltzaileei eskaintzen zaien informazioa zehatza izatea. Kultura eta Kirol Ministerioa ondasun publiko gisa eskaintzen du Danza.es, edonorentzako gune irekia eta estilo mugarik gabekoa izan dadin. Dantzaren inguruko guztia biltzen duen ataria da.
Danza.es, Espainiako Dantzaren Ataria
Redacción: Blanca Reche
Tel.: 91 522 79 01
Helbide elektronikoa: danza.es@inaem.cultura.gob.es
|
 |
| Egoitza INAEM |
|
